ئەمرۆکە تێکنۆلۆژی جۆراوجۆر لە فیلم و وێنەهەڵگرتنەوە دا بەکار دەهێنرێن. یێکێ لەم بابەتانەی کە ئێستاکە زۆر باوە بەکارهێنانی تێکنۆلۆژی بە چەشنی پانۆرامایە. بەرهەمهێنانی وێنەی پانۆڕاما وێڕای ئەوەی کە دژوارتر لە وێنەی ئاساییە خێرایی و وردبینی پتری پێویستە. بۆ ئەوەی بتوانین وێنەکان بە چۆنیێتی پانۆرامایی دەربهێنین، لە قەراخ وێنەگەلی کامێرای رەنووسی دا دەبێ لە ئامرازەکانی ئەم بوارەش بۆ کارئاسانی پتر کەڵک وەربگرین.
ArcSoft Panorama Maker ئامرازێکی زۆر بەهێزە کە بە کەڵک وەرگرتن لێی دەتوانین وێنەگەلی پانۆرامایی بە چۆنیێتی بەرز و سەرنج راکێش بەرهەم بهێنین. کەڵک وەرگرتن لەم ئامرازە بۆ تێکەڵ کردنی وێنە لە ناو یێک دا بە مەبەستی بەرهەمهێنانی وێنەی پانۆرامایی یێکەم خاڵی گرینگی ئەم ئامرازە بەهەژمار دێت. زۆر بە هاسانی دەتوانین ئەو فیلمانەی کە لە شوێنە دڵخوازەکان گرتوومانن بە هۆی ئەم ئامرازەوە بیانکەین بە وێنەی پانۆراما، بە بێ ئەوەی پێویست بە زانیاری تایبەت بکات. بەرهەمهێنانی وینەگەلی پانۆرامایی بە شێوە و شکڵی جۆراوجۆر حەتتا ٣٦٠ دەرەجەیی، ئیمکانی کەڵک لێوەرگرتنی هاوکات لە فیلم و وینە بۆ وێنەی پانۆرامایی، دەسکاری کردن و بەرێوەبردنی پیشەیی، چاپ و بەرێکردنی بە شێوەی ئۆنڵاین لە تواناییەکانی دیکەی ئەم ئامرازە بە هەژمار دەهێنرێن.

Internet Download Accelerator Pro بەرنامەیێکی بەهێزە بۆ بەرێوەبردنی داگرتنەکان. ئەم ئامرازە بە رواڵەتێی ساکار و لە هەمان کات دا زۆر بەهێز دەتوانێ داگرتنی فایلەکان تا خێرایی ٥٠٠ قات بەرز کاتەوە. ئەم بەرنامەیە بە تێکنۆلۆژی تایبەتی خۆی دەتوانێ فایلەکان دابەش بکات بە سەر بەشی بچووکتر و هەر بەشەش بە شێوەی جیاواز دابگیرێ کە ئەوەش دەبێتە هۆی خێراتر کردنی داگرتنەکان. هەروەها بە گرێدانی چەند کانێکت بە سێروێری هەڵبژاردە خێرایی بەرز دەکاتەوە کە دەتوانێ بە هاسانی لە پرۆتۆکۆلەکانی FTP ,HTTPS ,HTTP بە ئاسانی و خێرایی زۆر فایل وەربگرێت. بەرنامەکانی بەرێوەبردنی داگرتن یێکێ لە ئامرازە گرینگەکانی ئینتێرنێت بە هەژمار دێن، بە تایبەتی بۆ ئەوانەی کە لە ئینترنێتی دیالئاپ بۆ پەیوەندی بە ئینتێرنێت کەڵک وەردەگرن چوونکە بۆ داگرتنی فایلی بە قەبارەی زۆر پێویست بە دابەش کردن دەکات هەتا خێرایی داگرتن بەرز بێتەوە، بۆیێ هەبوونی دانلۆدمنیجێرێکی باش ئامرازێکی پێویست و زۆر گرینگە.
هەر وەها ئەگەر لە کاتی داگرتن دا لە گەڵ پچرانی ئینترنێت یان گرفتی پچرانی کارەبا بەرەوروو ببن، بەبێ گرفت دەتوانن دوای هاتنەوەیان بەردەوام بن لە داگرتنی پرۆگرامەکان لەو شوێنەی را کە تووشی پچران ببوون بەبێ ئەوەی فایلەکەتان لە ناو بچێ یان گرفتی بۆ بێتە پێش.

WinMend Disk Cleaner نەرمەواڵەیێکی بەهێزی بواری خاوێنکردنەوەی سیستەمە. ئەم ئامرازە وێرای کەمبوونی قەبارەکەی،بە خێراییێکی زۆر هەڵدەستێ بە گەران لە ناو پەپکە رەقە دا و بە چەشنێک کردەکانی بەرێوە دەبات هەتا لە جیاتی فایلە بێ کەڵکەکان فایلی سیستەم نەسڕدرێنەوە.
یێکەی ئانالیزی ئامراز زۆر بە وردی هەڵدەستێ بە کارەکانی، هەتا بەکارهێنەران بە دڵنیایی تەواوەوە و بە خێرایی پترلەپێشوو، زانیاریەکانیان لە ناو پەپکەرەقەی سیستەم دا ئاڵوگۆڕ بکەن و پێداچوونەوەیان بە سەر دا بکەن. بەم ئامرازە کەم قەبارەیە دەتوانین ئەوپەڕی خێرایی پەپکە رەقە تاقی بکەینەوە .

دەست وێراگەیشتن بە سیستەمی کامپیوتێر لە رێگای دوورەوە (Remote Desktop) یەکێک لەو بابەتە گرینگانەیە کە لە ناو شەبەکە کامپیوتێریەکان و لە ناو بەرێوەبەرایەتییەکەیشی و هەروەها بەرێوەبەرانی ماڵپەرەکان و...جێگای باس و بایەخ پێدانە. کەسانێک هەن کە لە ریمۆت دیسکتابی ناو ویندۆز کەڵک وەردەگرن، بەڵام کەسانێکیش هەن کە نەرمەواڵەی بەرهەم هاتووی ئەم بوارە بەکاردێنن و بە باشتری دەزانن. بەرێوەبردنی چەندین پەیوەندی بۆ بەرێوەبەرانی شارەزا کارێکی زۆر گرینگ و پڕبایەخە وهەبوونی نەرمەواڵەیێکی بەرێوەبردن لەم بوارە دا کە بتوانێ هەر چەشنە کەرەسەی ریمۆت دیسکتاب پشتیوانی بکات، خاڵێکی بناغەییە.
نەرمەواڵەی Devolutions Remote Desktop Manager دەتوانێ یەکێک لە باشترین بژاردەکانی رێمۆت بێ.